𝙶𝚒𝚕𝚒𝚝𝚛𝚊𝚑𝚊𝚗 𝚗𝚒: 𝚂𝚊𝚕𝚍𝚒𝚟𝚊𝚛 𝙲. 𝙻𝚊𝚞𝚛𝚎𝚝𝚘
𝚂𝚌𝚑𝚘𝚘𝚕 𝙷𝚎𝚊𝚍, 𝙳𝚊𝚐𝚜𝚊𝚗𝚊𝚢 𝙴𝚂
𝙲𝚊𝚋𝚊𝚍𝚋𝚊𝚛𝚊𝚗 𝙲𝚒𝚝𝚢 𝙳𝚒𝚟𝚒𝚜𝚒𝚘𝚗

I
Filipinong Magtutudlo, ang imong kagahapon, karon, ug ugma alang sa Batang Filipino
Pagkamapasigarbuhon, nga isinggit ang dakong pribilehiyo kay kabahin sa pinakabililhon nga propesyon sa ibabaw niining kalibutan
Halangdon, kay gikan sa kahitas-an, nagasabwag ug binhi sa mga tawong gutom sa kinaadman, Bisan unos, bagyo, dili makapakgang sa iyang mga tinguha ug walay propesyon ang mosibaw kong wala sila….Sila ang atong mga magtutudlo.

II
Nakita ko ang tawo nga naga agni sa kabataan sa pagbuhat ug maayo
Nakita ko ang tawo nga naga agak aron makab-ot ang maayong kaugmaon
Nakita ko usab ang tawo nga nagagiya, aron maidukar ang kabataang Filipino.
Sa hagit nga sulong edukalidad luyo sa hulga nga pandemya sa covid 19
Kinabuhi andam isakripisyo aron nga maabot ang kabataan nga ilang gialagaran
Sila ang atong mga Modelong Magtutudlo

III
Pagkatalagsaon ang imong paagi sa pagtudlo
Ang imong paagi sa pagsabwag sa lahing klasing kahibalo
Ang imong paagi sa pag-amoma sa imong mga tinun-an
Maoy nakapahimo kanimong pinaka- pinasidunggang magtutudlo sa tibook nga kalibutan.
Sanglit ikaw naka apekto ug dako sa eternidad nga walay makatataw kong asa ang iyang kinutuban.

IV
Sa panahon nga ginaduaw sa kakapoy, sakit nga kalawasan, ug hapo nga panumduman
May sakit ang pamilya, pagkapait palandungon
Bayronon sa uban sila ang nagaabuno, utang nagkalawom payslip ang nagpamatood
Wa ninyo kini mabati, kay nagahimaya pa, kay kini tipik sa pagpangalagad.

V
Adunay magtutudlo, kaugalingong kalipay gikalimtan,
Wa na nagminyo, gipugngan ang kasing-kasing kay propesyon ang giuna
Oh magtutudlo ko, saludo kami sa inyong dedikasyon ug pagsakripisyo
Niining “World teachers Day” kamo padayon nga pagadaygon,
Sa kinabuhi sa kabataan, ilhon ang inyong nahimo.
Dinhi ug sa tanang sook niining kalibutan

VI
Makabag-ong bayani, hinagiban ang kinaadman, ikaduhang ginikanan sa atong kabataan,
Tagapanday sa maayong pamatasan, Tagapitol sa mga sutil ug lampingasan
Propesyon moy pag-amoma ug pagpalamtik sa panumdoman
Kompas kang angay nga pagasundon, Tulay ka sa maayong kaugmaon

VII
Magtutudlo ikaw ang sou sa agianan, sa anaa sa kangitngit ikaw nagahaw-as
Kay sa dugo mo nagadagayday ang talagsaong hiyas sa kabayanihan
Salamat sa Ginoo tungod kaninyo among magtutudlo,
Magtutudlong Filipino, para sa batang Filipino!

🅴🅽🅳
NB. 𝑻𝒉𝒊𝒔 𝒑𝒂𝒈𝒆 𝒊𝒏𝒗𝒊𝒕𝒆𝒔 𝒂𝒍𝒍 𝒕𝒆𝒂𝒄𝒉𝒊𝒏𝒈, 𝒏𝒐𝒏-𝒕𝒆𝒂𝒄𝒉𝒊𝒏𝒈 𝒑𝒆𝒓𝒔𝒐𝒏𝒏𝒆𝒍, 𝒍𝒆𝒂𝒓𝒏𝒆𝒓𝒔, 𝒑𝒂𝒓𝒕𝒏𝒆𝒓𝒔, 𝒂𝒏𝒅 𝒐𝒕𝒉𝒆𝒓 𝒔𝒕𝒂𝒌𝒆𝒉𝒐𝒍𝒅𝒆𝒓𝒔 𝒕𝒐 𝒔𝒉𝒂𝒓𝒆 𝒕𝒉𝒆𝒊𝒓 𝒔𝒕𝒐𝒓𝒊𝒆𝒔, 𝒏𝒆𝒘𝒔, 𝒇𝒆𝒂𝒕𝒖𝒓𝒆𝒔, 𝒐𝒑𝒊𝒏𝒊𝒐𝒏𝒔, 𝒑𝒐𝒆𝒎𝒔, 𝒂𝒏𝒅 𝒐𝒕𝒉𝒆𝒓 𝒓𝒆𝒍𝒂𝒕𝒆𝒅 𝒘𝒐𝒓𝒌𝒔 𝒇𝒐𝒓 𝒑𝒖𝒃𝒍𝒊𝒄𝒂𝒕𝒊𝒐𝒏 𝒐𝒏 𝑫𝒆𝒑𝑬𝒅 𝑪𝒂𝒓𝒂𝒈𝒂’𝒔 𝒐𝒇𝒇𝒊𝒄𝒊𝒂𝒍 𝒘𝒆𝒃𝒔𝒊𝒕𝒆𝒔. 𝑨𝒓𝒕𝒊𝒄𝒍𝒆𝒔 𝒎𝒖𝒔𝒕 𝒃𝒆 𝘄𝗿𝗶𝘁𝘁𝗲𝗻 𝒊𝒏 𝒂𝒏 𝒆𝒅𝒊𝒕𝒂𝒃𝒍𝒆 𝒇𝒐𝒓𝒎𝒂𝒕 (𝒘𝒊𝒕𝒉 𝒑𝒊𝒄𝒕𝒖𝒓𝒆𝒔) 𝒂𝒏𝒅 𝒔𝒆𝒏𝒕 𝒗𝒊𝒂 𝒑𝒓𝒊𝒗𝒂𝒕𝒆 𝒎𝒆𝒔𝒔𝒂𝒈𝒆 (𝑷𝑴) 𝒉𝒆𝒓𝒆 𝒐𝒓 𝒆𝒎𝒂𝒊𝒍 𝒂𝒕 𝗽𝗮𝘂_𝗰𝗮𝗿𝗮𝗴𝗮@𝗱𝗲𝗽𝗲𝗱.𝗴𝗼𝘃.𝗽𝗵