๐™ฑ๐š‹. ๐™ณ๐š’๐šŠ๐š—๐šŠ ๐š๐š˜๐šœ๐šŽ ๐™ฟ๐šŠ๐š๐šŽ๐š—๐š๐šŽ
๐™ถ๐šŽ๐š˜๐š๐š’๐š—๐šŠ ๐™ด๐š•๐šŽ๐š–๐šŽ๐š—๐š๐šŠ๐š›๐šข ๐š‚๐šŒ๐š‘๐š˜๐š˜๐š•
๐™ณ๐š’๐š—๐šŠ๐š๐šŠ๐š ๐™ธ๐šœ๐š•๐šŠ๐š—๐š๐šœ ๐™ณ๐š’๐šŸ๐š’๐šœ๐š’๐š˜๐š—

๐— ๐—ฎ๐˜๐—ฎ๐—ด ๐˜‚๐˜€๐—ฎ ๐—ธ๐—ฎ๐—ป๐—ฎ๐˜๐—ผ ๐—ฎ๐—ฑ๐˜‚๐—ป๐—ฎ๐˜† ๐—ฑ๐—ฎ๐—บ๐—ด๐—ผ ๐˜€๐—ฎ ๐—ธ๐—ถ๐—ป๐—ฎ๐—ฏ๐˜‚๐—ต๐—ถ. ๐—”๐—ป๐—ด ๐˜‚๐—ฏ๐—ฎ๐—ป ๐—ด๐˜‚๐˜€๐˜๐—ผ ๐—บ๐—ฎ๐—บ๐—ฎ๐—ต๐—ถ๐—บ๐—ผ๐—ป๐—ด ๐——๐—ผ๐—ธ๐˜๐—ผ๐—ฟ,๐—ฃ๐—ถ๐—น๐—ผ๐˜๐—ผ, ๐—˜๐—ป๐—ต๐—ฒ๐—ป๐˜†๐—ฒ๐—ฟ๐—ผ ๐˜‚๐—ด ๐—น๐—ฎ๐—ฏ๐—ฎ๐˜„ ๐˜€๐—ฎ ๐˜๐—ฎ๐—ป๐—ฎ๐—ป ๐—ป๐—ฎ๐—ป๐—ด๐—ฎ๐—ป๐—ฑ๐˜‚๐˜† ๐—บ๐—ฎ๐—บ๐—ฎ๐—ต๐—ถ๐—บ๐—ผ๐—ป๐—ด ๐—”๐—ฏ๐—ผ๐—ด๐—ฎ๐—ฑ๐—ผ. ๐—”๐—ฝ๐—ฎ๐—ป ๐—น๐˜‚๐˜†๐—ผ ๐˜€๐—ฎ ๐—ฎ๐˜๐—ผ๐—ป๐—ด ๐—บ๐—ด๐—ฎ ๐—ฎ๐—บ๐—ฏ๐—ถ๐˜€๐˜†๐—ผ๐—ป ๐—ฎ๐—ฑ๐˜‚๐—ป๐—ฎ๐˜† ๐—บ๐—ด๐—ฎ ๐—ฝ๐—ฎ๐—ด๐˜€๐˜‚๐—น๐—ฎ๐˜† ๐˜€๐—ฎ ๐—ธ๐—ถ๐—ป๐—ฎ๐—ฏ๐˜‚๐—ต๐—ถ ๐—ป๐—ด๐—ฎ ๐—บ๐—ฎ๐—ผ๐˜† ๐—บ๐—ฎ๐—ด๐—ฝ๐—ฎ๐—น๐—ถ๐—ด-๐—ผ๐—ป ๐—ฎ๐—ฟ๐—ผ๐—ป ๐—บ๐—ฎ๐—ธ๐—ฎ๐—ฏ-๐—ผ๐˜ ๐—ป๐—ฎ๐˜๐˜‚ ๐—ฎ๐˜๐—ผ๐—ป๐—ด ๐—บ๐—ด๐—ฎ ๐—ฝ๐—ฎ๐—ป๐—ด๐—ฎ๐—ป๐—ฑ๐˜‚๐˜† ๐—ผ๐—ด ๐—บ๐—ฎ๐—บ๐—ฎ๐—ต๐—ถ๐—บ๐—ผ๐—ป๐—ด ๐—บ๐—ฎ๐—ด๐—บ๐—ฎ๐—น๐—ฎ๐—บ๐—ฝ๐˜‚๐˜€๐—ผ๐—ป.

Isip usa ka islander teacher na dinagatnon. Ang akong istorya dili layo sa ubang islahanong magtutudlo. Anaa ang kakapoy sa adlaw adlaw nga trabahuon, pero wala ko kini pamatia mahatod lang ang maayong kalidad sa pagtudlo sa mga kabataan sa ilang pagskwela.

Sayo sa kabuntagon, ako mo bangon. Mga gamit sa eskwelahan, akong pagaandamon. Mo byahe ug mo sakay sa habal habal, sulod sa usa ka oras gikan sa panimalay paingon sa Munisipyo sa Cagdinao. Gikan sa Centro, mo byahe napod ko pag usab og usa ka oras, sakay og baruto para maabot ang Sitio sa Manoligao nga sakop sa baryo sa Del Pilar nga diin ako na-assign isip usa ka magtutudlo.

Adunay mga higayon nga di maayo ang tempo. Sa lawod usahay kami ma abtan og unos, kung ting amihan maka sugamak gyud og balod nga murag balay ka dagko. Pero ang tanan among kayanon aron mabubu sa atong mga kabatan-onan ang maayong edukasyon.

Kining lugara ang nagpa ingganyo ug nagpamata sakoa kung unsa akong katuyoan nganong nahimo akong usa ka maestra. Pipila lang ka mga lumolupyo aning lugara apan sila gihikawan sa mga bag-ong teknolohiya sama sa internet connection, kurente og uban pa, tungod kay layo na kini sa sentro og natabunan pa sa mga bukid nga perte ka dagko. Sa pag abot ko aning lugara, ako naka pang lingo-lingo, kung unsaon ko pagtudlo ning mga bataa, ilabi na karong panahona nga adunay pandemya.

Apan bisan sa mga kakulangon, ako ug ang akong mga kaubanang magtutudlo naningkamot nga mahatagan og maayong edukasyon ang mga kabataan nga puno og ambisyon. Bisan balod among tabukon, bisan ulan among adtuon ug bisan bakilid among baktason, matuman lang ang gipanumpaang propesyon.

Sa pag puyo ug pakig halubilo ko sa katawhan sa Sitio sa Manoligao, adunay nakapatandog sa akong kasing-kasing nga diin ako nahigmata sa ilang tinood nga kalisod tungod sa ilang kawad-on. Sakit pamalandungon nga para sa ila dali lang ang pagtumba og pagputol sa kahoy aron lamang makasustento sa panginahanglanon sa ilang pamilya, ilabi na sa pang adlaw adlaw nga kalan-on. Ang mga kabataan nahigmata nga ang binuhatan sa ilang mga katigulangan husto ug maayo nga ehemplo og sumbanan.

Apan kining nga binuhatan dili maayo ug kini makadaot sa atong kinaiyahan. Ilang gihikawan ang sama sa palasyo nga isla sa Dinagat Islands ang mga nagsunod nga henerasyon.

Isip usa ka maestra, ang pagtudlo sa mga bata ang akong prayoridad karong panahona. Dugang niana ako nagpadayon sa pagsulat og mga balak og kwentong bayan nga mamahimo nilang sumbanan, aron sila mahigmata sa kamatuoran. Magtimbayayong kitang tanan para sa atong kalamboan, dili lamang sa kaugalingon pati na usab sa kaayohan sa tibook katawhan.

Ako karon mapasalamaton nga nabag-o ug na-utro ang pagpanlantaw nila sa kinabuhi. Aktibo na ang kumonidad sa Sitio Manoligao sa ilang asosasyon nga may kalambigitan sa pag amping sa atong kinaiyahan, sama sa farmers association ug fisher folks.

Susama sa lawod, adunay balod. Sama sa bukid, adunay subidahon. Sama usab sa atong kinabuhi adunay mga pagsulay nga di malikayan nga kita mahisukamod, apan dili kini angayan ikahuyang kay kining tanan parti ug lamas lamang aron kita magmalig-on ug mahimong maayong ehemplo nga katawhan.

Kini inyong islahanong magtutudlo…Bb. Diane

๐Ÿ…ด๐Ÿ…ฝ๐Ÿ…ณ

NB. ๐‘ป๐’‰๐’Š๐’” ๐’‘๐’‚๐’ˆ๐’† ๐’Š๐’๐’—๐’Š๐’•๐’†๐’” ๐’‚๐’๐’ ๐’•๐’†๐’‚๐’„๐’‰๐’Š๐’๐’ˆ, ๐’๐’๐’-๐’•๐’†๐’‚๐’„๐’‰๐’Š๐’๐’ˆ ๐’‘๐’†๐’“๐’”๐’๐’๐’๐’†๐’, ๐’๐’†๐’‚๐’“๐’๐’†๐’“๐’”, ๐’‘๐’‚๐’“๐’•๐’๐’†๐’“๐’”, ๐’‚๐’๐’… ๐’๐’•๐’‰๐’†๐’“ ๐’”๐’•๐’‚๐’Œ๐’†๐’‰๐’๐’๐’…๐’†๐’“๐’” ๐’•๐’ ๐’”๐’‰๐’‚๐’“๐’† ๐’•๐’‰๐’†๐’Š๐’“ ๐’”๐’•๐’๐’“๐’Š๐’†๐’”, ๐’๐’†๐’˜๐’”, ๐’‡๐’†๐’‚๐’•๐’–๐’“๐’†๐’”, ๐’๐’‘๐’Š๐’๐’Š๐’๐’๐’”, ๐’‘๐’๐’†๐’Ž๐’”, ๐’‚๐’๐’… ๐’๐’•๐’‰๐’†๐’“ ๐’“๐’†๐’๐’‚๐’•๐’†๐’… ๐’˜๐’๐’“๐’Œ๐’” ๐’‡๐’๐’“ ๐’‘๐’–๐’ƒ๐’๐’Š๐’„๐’‚๐’•๐’Š๐’๐’ ๐’๐’ ๐‘ซ๐’†๐’‘๐‘ฌ๐’… ๐‘ช๐’‚๐’“๐’‚๐’ˆ๐’‚โ€™๐’” ๐’๐’‡๐’‡๐’Š๐’„๐’Š๐’‚๐’ ๐’˜๐’†๐’ƒ๐’”๐’Š๐’•๐’†๐’”. ๐‘จ๐’“๐’•๐’Š๐’„๐’๐’†๐’” ๐’Ž๐’–๐’”๐’• ๐’ƒ๐’† ๐˜„๐—ฟ๐—ถ๐˜๐˜๐—ฒ๐—ป ๐’Š๐’ ๐’‚๐’ ๐’†๐’…๐’Š๐’•๐’‚๐’ƒ๐’๐’† ๐’‡๐’๐’“๐’Ž๐’‚๐’• (๐’˜๐’Š๐’•๐’‰ ๐’‘๐’Š๐’„๐’•๐’–๐’“๐’†๐’”) ๐’‚๐’๐’… ๐’”๐’†๐’๐’• ๐’—๐’Š๐’‚ ๐’‘๐’“๐’Š๐’—๐’‚๐’•๐’† ๐’Ž๐’†๐’”๐’”๐’‚๐’ˆ๐’† (๐‘ท๐‘ด) ๐’‰๐’†๐’“๐’† ๐’๐’“ ๐’†๐’Ž๐’‚๐’Š๐’ ๐’‚๐’• ๐—ฝ๐—ฎ๐˜‚_๐—ฐ๐—ฎ๐—ฟ๐—ฎ๐—ด๐—ฎ@๐—ฑ๐—ฒ๐—ฝ๐—ฒ๐—ฑ.๐—ด๐—ผ๐˜ƒ.๐—ฝ๐—ต